Türkiyə lideri Rəcəb Tayyib Ərdoğan Respublikaçılar Partiyasının prezidentliyə namizədi Donald Trampı seçkidə qazandığı qələbə münasibətilə təbrik edib.

“AzPolitika” xəbər verir ki, bu barədə o, “X” hesabından təbrik məktubu paylaşıb.

“Böyük mübarizədən sonra ABŞ-də keçirilən prezident seçkilərində qalib gələn və yenidən ABŞ prezidenti seçilən dostum Donald Trampı təbrik edirəm. Ümid edirəm ki, yeni dövrdə Türkiyə-ABŞ münasibətləri güclənəcək və başda Fələstin məsələsi, Rusiya-Ukrayna müharibəsi olmaqla regional və qlobal böhranlar və müharibələr sona çatacaq. Daha ədalətli dünya üçün daha çox səy göstəriləcəyinə inanıram. Seçkilər dost və müttəfiq ABŞ xalqı və bütün bəşəriyyət üçündür”,-deyə paylaşımda bildirilib.