"Ölkə.Az" Sfera.az-a istinadən xəbər verir ki, ermənilərə belə bir fürsət Zaqatala rayonunda verilib. Bu haqda sosial şəbəkələrdə tanınmış jurnalistlər - Yeganə Həsənova və Günay Arda həyacan dolu paylaşımlarla məlumat veriblər. Həmin məlumatlarda bildirilir ki, Zaqataladakı alban memarlığına məxsus tikililərin baxımsız qalması kimsəni narahat etmir. Nə Mədəniyyət naziri Əbülfəs Qarayev, nə də Zaqataladan deputat olan Elşən Musayev baş verənlərlə bağlı səslərini çıxarmır.

İndi isə Yeganə Həsənovanın sözügedən paylaşımına diqqət yetirək: "Dostlar, bura Zaqataladır. "Pəri qala”dan sonra uçulub dağılan bu məbədsə Alban tariximizə aiddir, hansı ki, bu gün o ot basmış, uçulmuş, bilərəkdən dağıdılmış və diqqətdən kənarda qalmış olmamalıydı!! Turizm potensialımız bu qədər yüksək olduğu halda biz ona necə münasibət göstəririk? indi soruşsam Turizm Agentliyi məsələni Mədəniyyət Nazirliyinə yönəldəcək. Nazirliyin də abidələrə münasibəti barədə elə yetkili şəxslərlə dəfələrcə söhbət etmişik, amma... ? Şəxsən bu abidəni belə bərbad vəziyyətdə görəndə məni ağlamaq tutdu. Axı bu mənim ölkəmin, dövlətimin qədim tarixidir. Niyə ona sahib çıxmaq istəmirik?!”

Gunay Arda isə Zaqataladkı rüsvayçılığa qısa şəkildə belə reaksiya verib: "Bu kilsə tariximizin bir parçasıdır. Fotolar Zaqatalada çəkilib. Mən, sadəcə utanıram”.

 Sonda müvafiq dövlət qurumlarının məsələyə reaksiya verəcəyinə ümüd edirik. Arzulanan isə həm də odur ki, Zaqatalanın nə işlə məşğul olduğu bilinməyən deputatı Elşən Musayev və rəhbərlik etdiyi nazirliyi korrupsiya yuvasına çevirmiş Əbülfəs Qarayevdən də səs çıxacaq.