“Lalə xanım düz vurğuladı ki, onlar bizdən yaşca çox böyükdürlər. Dediyi sözlərdə doğruluq ola bilər, amma Allah bizi soxulcan yox, insan olaraq yaradıb. Məni kimsə öyrədərək nəyəsə məcbur edə bilməz. Bizim öz ağlımız, başımız, dərrakəmiz var. Mən efirdən kiminsə sözünə qulaq asıb özümdən böyük birinə hörmətsizlik etmərəm”.

“AzerTaym.az” xəbər verir ki, bu sözləri Sevil-Sevinc Səfərova “Səhər-Səhər” proqramına qonaq olarkən deyib.  Onlar xalq artisti Brilliant Dadaşovanın bacısı müğənni Lalə Dadaşovanın dediklərinə cavab veriblər:

"Sujetə baxan insanlar səhv düşünə bilər ki, qızlar gündəmə gəlmək üçün belə edir. Brilliant xanıma söz atmaqla gündəmə gəlmək istəmirik. Biz mahnılarımız, duet ortaqlarımızla danışılmaq istəyirik. Söz atmamışıq!
Özünüdə də bilirsiz ki,  şou xarakterli verilişlər var. Həmin verilişlərdə özümü ağıllı aparıb hər şeyə ciddi cavab verə bilmərəm. Elə formatlar var ki, orda zarafat etmək, əylənmək lazımdır.

Bizdən soruşuldu ki, hansı sənətçi öz yaşını gizlədir. Biz demədik ki, bilirik. Dedik ki, eşitmişik. Demədik ki, əminik və gözümüzlə görmüşük.
Burda hörmətsizlik, tərbiyəsizlik yoxdur. Heç kimin insanlığını alçaltmamışıq. Ola bilər Brilliant xanım bizi tanımır. Amma bizim sənətinə, özünə hörmətimiz var. Dəfələrlə oturub çörək kəsmişik, qastrollarda olmuşuq. Mən yenə də Lalə xanımı da, Brilliant xanımı da görəndə qarşılarında baş əyəcəm. Amma şou xarakterli verilişləri bu dərəcəyə gətirmək olmaz. Biz yaşda balacayıq və Brilliant xanıma söz atmaqla gündəmə gəlmək istəmərik”.

Xatırladaq ki,  Sevil- Sevinc Brilliant Dadaşovanın şəxsiyyət vəsiqəsində yaşını azaltdığını demişdilər. L. Dadaşova efirdə bacısını müdafiə edərək onları “soxulcan” adlandırmışdı.