Almaniyada 299 min avroya qeyri-adi “Volqa QAZ-21” markalı avtomobil satılır.

"AzerTaym.az" axar.az-a istinadən xəbər verir ki, bu barədə Rusiya mətbuatı informasiya yayıb.

“Volqa Qaz-21” avtomobili “Mersedes S600”-ə uyğun şəkildə yığılıb. Avtomobilin salonunda sükan, ön panel, elektrikli dəri oturacaqlar da daxil olmaqla, demək olar ki hər şey “Mersedes”ə aiddir. Bundan əlavə, avtomobilə güclü və müasir səs sistemi quraşdırılıb. Avtomobil həmçinin 500 at gücündə 5.5 litr həcmində olan V12 tipli mühərrik və 5 pilləli avtomat sürət qutusu ilə təchiz olunub.