Mətbuat Şurasının YENİ İDARƏ Heyəti komissiyalar formalaşdıracaq - AÇIQLAMA

“Mətbuat Şurasının çoxsaylı komissiyaları var və onlar müxtəlif tədbirlər keçirirlər. Mətbuat Şurasının VII qurultayında İdarə Heyətinin tərkibi yenidən formalaşıb. Tezliklə ilk toplantımız olacaq”.

Bunu Mətbuat Şurasının sədri, Milli Məclisin deputatı Əflatun Amaşovaçıqlamasında deyib.

Mətbuat Şurasının sədri bildirib ki, İdarə Heyətinin yaxın günlərdə yeni tərkibdə keçiriləcək ilk iclasında komissiyaların formalaşdırılması və digər məsələlərə baxılacaq.

Əflatun Amaşov deyib ki, Azərbaycanda reklam bazarı nəzəri baxımdan zəif öyrədilir və prkatiki baxımdan da zəifdir.

Biz Kütləvi İnformasiya Vasitələrində reklam bazarının niyə zəif olmasını, bunu necə aradan qaldırılmasının səbəblərini öyrənəcəyik. Mətbuat Şurası olaraq Azərbaycanda reklam bazarının artırılması qarşımıza qoyduğumuz ən vacib məsələlərdən biridir”.

Ə.Amaşov bildirib ki, onlayn mediada reklam bazarı istənilən səviyyədə olmadığı üçün onlara dövlət dəstəyi mütləqdir.

Mətbuat Şurası olaraq qarşımıza qoyduğumuz digər vacib məsələlərdən biri onlayn mediaya dövlət dəstəyinin olmasıdır. Bu gün onlayn media əsas informasiya daşıyıcısıdır. Ancaq reklam bazarı məhv olduğuna görə, onlayn media məcbur olub ayrı-ayrı məmurlar, şəxslər vasitəsilə maliyyələşir. Hesab edirəm ki, reklam bazarının olmadığı bir vaxtda ümumən mediaya dövlət dəstəyinin artırılmasına ehtiyac var. Region qəzetlərinə də dəstək lazımdır”.

Qeyd edək ki, martın 10-da Azərbaycan jurnalistlərinin VII qurultayında Əflatun Amaşov yenidən Mətbuat Şurasının sədri seçilib. Şuranın 11 jurnalistdən, 7 ictimaiyyət nümayəndəsindən və 5 internet informasiya resursu təmsilçisindən ibarət İdarə Heyəti formalaşıb.

AzerTaym.az

 






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi