"AzerTaym.az" bildirir ki,  Bakı Biznes Universitetinin Avropa Birliyi Erasmus+ proqramının maliyyə dəstəyi ilə 26 avqust – 01 sentyabr 2018-ci il tarixlərində həyata keçirdiyi “Azərbaycan Universitetlərində Keyfiyyətə Təminat Mərkəzlərinin Yaradılması və İnkişaf Etdirilməsi” layihəsi çərçivəsində Azərbaycan Respublikasının 11 universitetinin, eləcə də Azərbaycan Kooperasiya Universitetinin Keyfiyyətə Nəzarət Mərkəzinin nümayəndələri İsveçin Royal Texnologiya Universitetində (KTH) və Uppsala Universitetində bir həftəlik təlimlərdə iştirak etmişdir.

Təlimlər zamanı İsveçli mütəxəsislər keyfiyyətin təminatı ilə bağlı öz təcrübələrini bölüşüblər və bu təcrübənin Azərbaycan universitetlərində tətbiqi ilə bağlı tövsiyyələr veriblər. Sonda təlim iştirakçılarına sertifikatlar təqdim olunub.