Martın 20-dən Abşeron dairəvi dəmir yolu bütün stansiya və dayanacaqlar daxil olmaqla sərnişinlərin ixtiyarına verilir. Bakı-Pirşağı-Sumqayıt-Bakı elektrik qatarlarının hərəkət cədvəli müəyyənləşib.

“Azərbaycan Dəmir Yolları” QSC-nin mətbuat katibliyindən "AzerTaym.az-a verilən məlumata görə, sərnişinlərin nəzərinə çatdırılır ki, qatarların aşağıda verilmiş keçiddəki hərəkət qrafiki məhz bayram günləri üçün nəzərdə tutulub. Cədvəl martın 20-dən 28-dək (martın 28-i də daxil olmaqla) qüvvədə olacaq. Qatarların həmin tarixdən sonrakı hərəkət cədvəli barədə əlavə məlumat veriləcək.