Azərbaycanı Çempionlar Liqasında təmsil edəcək "Qarabağ" ilk transferini gerçəkləşdirməyə yaxındı.

AzerTaym.az Sportlife.az-a istinadən xəbər verir ki, Rəşad Sadıqova layiqli əvəzləyici axtaran Qurban Qurbanov seçimini "Səbail"də çıxış edən Rahil Məmmədovun üzərində dayandırıb. 23 yaşlı mərkəz müdafiəçisinin Premyer Liqada sərgilədiyi oyun təcrübəli mütəxəssisin diqqətini cəlb edib.

Mənbənin sözlərinə görə, artıq Ağdam klubu ilə "Səbail" arasında bu keçidlə bağlı şifahi razılıq əldə olunub və yaxın günlərdə tərəflər arasında rəsmi müqavilə imzalanacaq.