Məlum olduğu kimi bu gün Azərbaycan Respublikasının konstitusiyasına dəyişikliklər edilməsi məqsədi ilə referendum keçirilir. 

Ölkə.Az bir sıra məşhur şəxslərin seçkiyə gedib-getməməsiylə maraqlanıb. Cavabları olduğu kimi təqdim edirik.

Tanınmış şair, filologiya elmləri doktoru, professor Vüqar Əhməd: 

"Xətai rayonu 56 saylı məktəbdəki dairədə səs verəcəyəm".

Əməkdar artist Bəsti Sevdiyeva:

"Səbaildəki 29 saylı dairənin 26 saylı məntəqəsində səs verdim".

Əməkdar incəsənət xadimi Aygün Səmədzadə:

"Sənət adamı olduğumdan yaradıcılıqla bağlı suallarınız olsa, cavablandıraram. Siyasi xadim olmadığımdan digər məsələləri jurnalistlər işıqlandırmasa da, olar. Atılan bütün addımların ölkəmizin tərəqqisi üçün xeyirli olması arzusuyla.

Əməkdar artist Cavan Zeynallı: 

"Bu dəqiqə yoldaşımla gedirəm səs verməyə. Məntəqə Yasamalda-Şahmat klubunun yanında yerləşir. Yaz ki, "Cavan nömrə bir" gedir səs verməyə".

Xalq artisti Gülyaz Məmmədova: 

"Mən Yasamala yeni köçmüşəm. Bacım Gülyanaqla eyni məntəqədə səs verəcəyik".

Əməkdar artist Hüsniyyə Mürvətova: 

"41 saylı Sumqayıt Seçki Dairəsinin 22 saylı məntəqəsində səs verdim".

Əməkdar artist İlqar Muradov: 

"Nəsimi rayonundakı 151 nömrəli orta məktəbdə səs vermişəm".

Xalq artisti Mənsum İbrahimov:

"29 saylı Səbail seçki dairəsinin 28 saylı məntəqəsində bu dəqiqə səs verdim. İnanıram dövlətimiz üçün xeyirli olacaq və bu zərurətdən yaranan bir şeydir.

Xalq artisti Rəmişin həyat yoldaşı Gülü xanım:

"Bizə hələ kağız gəlməyib. İndi Rəmiş yatıb. Kağız gəlsə, Rəmişi oyadaram, durub gedərik. Yasamalda səs verəcəyik".

Xalq artisti Nəzakət Teymurova:

"Hələ evdə deyiləm, 1-2 işim vardı. Gedib vəsiqəmi götürüb səs verməyə gedəcəyəm. Nərimanov rayonunun sakiniyəm".

Xalq artisti Səkinə İsmayılova:

"Yasamal rayonundakı fizika-riyaziyyat və informatika təmayüllü liseydəki 10 saylı məntəqədə səs verdim".