Bu “BAYAĞI” mahnı niyə MƏŞhURLAŞDI?

Əvvəla mahnının sözlərində keçən "səni deyirlər" həştəqi ugurlu seçimdir. Adətən bu deyimi bir mövzunu üzərinə almayanda, etinasız yanaşanda əlaqadar şəxsə deyirik.

"AzerTaym.az" bildirir ki,Kult.az-ın xəbərinə görə, bu sözləri QAFSAM-ın sədr müavini, siyasi elmlər üzrə fəlsəfə doktoru Nazim Cəfərsoy deyib. O bildirib ki, mahnıda Urmu gölünün qurudulduğu açıqca və mahnının bütünlüyünü pozmayacaq formada bildirilməkdədir: “Bu mesaj mənə həm İranda məqsədyönlü bir ekoloji fəlakəti, həm də Güney Milli Hərakatının bu istiqamətdəki fəaliyyətini xatırladır. Mahnı Urmu gölü fəlakətini daha geniş xalq kütlələrinə yayma imkanı verir, eyni zamanda, Urmunun (Urmiya) gözəlliyini vəsf edir və Azərbaycana aid olduğunu xatırladır. Urmu şəhəri üzərində rejimin və PJAK-ın təhlükəli planları və atdığı adımlar nəzərə aldınarsa, bu məqam diqqətəlayiqdir”.   

N.Cəfərsoy qeyd edib ki, “Yaşasın Azərbaycan ölkəmiz” mesajı da həm Guneydə, həm də Quzeydə kifayət qədər aktualdır: “Mahnının bayağılığına dair tənqidlərə gəldikdə isə nəzərə alınmalıdır ki, bu, geniş kütlələrə xitab edən şən mahnıdır. Bizim güneyli və quzeyli kütlələrdə toyun önəmini nəzərə alsaq, hədəf kütləyə yetərincə xitabət edir".

N.Cəfərsoy vurğulayıb ki, bir millət olmanın ən mühüm məqamlarından biri eyni formada hiss etməkdir: "Bu mahnı güneyli və quzeyli insanlarımızın, qısa zaman aralığında da olsa, eyni cür hiss etməsinə imkanı verməkdədir. Bəziləri bunu trendə uymaq adına da etsə, belə bir müvəqqəti trendin varlığı və buna qoşulma ehtiyacı hiss etmələrinin özü mühüm məqamdır”.

N.Cəfərsoyun sözlərinə görə, mahnı, xüsusən Quzeydə əvvəlki populyarlığını itirən Guney Azerbaycan mövzusuna yenidən diqqəti cəlb etmək baxımından önəmlidir: “Ayrıca Türkiyədə Guney məsələsinə şübhə ilə yanaşanlara da Guney Azərbaycanda milli hərəkatı bir daha xatırladır. Son olaraq, bu mahnı Güney Azərbaycan həssaslığının və Bütöv Azərbaycan hədəfinin az da olsa canlanmasına xidmət etmə imkanı verir. Son olaraq, bu mahnı bizim problemlərimizi həll etmir, ancaq anlamaq və real iş görmək istəyənlərə yetərincə mesaj verir".






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi