15.01.2014 - "Fətullah Gülənə mafiya başçısı deyirlər..." (VİDEO)
Türkiyədə Fəthullah Gülənin fəxri rəhbərlik etdiyi Jurnalistlər və Yazarlar Fondu (GYV) öz tarixində ilk dəfə mətbuat konfransı təşkil edib.
AzerTaym.az Türkiyə mətbuatına istinadən bildirir ki, GYV Başçısı Mustafa Yeşil özlərinə qarşı psixoloji bir hərəkatın gerçəkləşdirildiyini iddia edib: "Hörmətli Fəthullah Gülənə də mafiya lideri deyirlər. İş dünyasından, siyasətdən onunla görüşənlər də şəbəkə üzvü deyirlər. Gülən ilə münasibətləri suç saymaq niyyətləri görürük. Bu həddindən eybəcər bir vəziyyətdir. Böyük ehtimalla bunu dövlət və ya təhlükəsizlik qüvvələri edir".
Mustafa Yeşil hakim partiya ilə əlaqələrindən də bəhs edib: "Biz AKP ilə birlikdə önəmli demokratik həmlələr etdiyimizi inkar edə bilmərik. Ergenekon və Balyoz istintaqlarınında hər kəs müttəfiq idi. “İstintaq əsnasında heç bir şey qüsursuz olub” demək olmaz. Ancaq bu istintaqdır. Baş nazir "polisimiz dastan yazıb, hakimlərimiz tarixə düşüb" dediyi və ya eyni şəkildə Gəzi hadisələrində polisimizi təriflədiyi halda, bu gün bu təşkilatlara mafiya şəbəkəsi deyilməsini anlamaq mümkün deyil".
