ABŞ Prezidenti Donald Tramp telefon danışığında referendum nəticəsi ilə bağlı türkiyəli həmkarı Rəcəb Tayyib Ərdoğanı təbrik edib.

Axar.az xəbər verir ki, məlumatı Ağ Evin mətbuat xidməti yayıb.

Prezidentlər telefon danışığı zamanı bildiriblər ki, İdlibə edilən kimyəvi hücumdan sonra Suriya lideri Bəşər Əsəd məsuliyyətə cəlb olunmalıdır.

Tramp Ərdoğana ABŞ-a verdiyi dəstəyə görə də təşəkkür edib.

Qeyd edək ki, ABŞ Dövlət Departamenti və Ağ Ev sözçüləri ATƏT-in bəyanatına görə Ərdoğanı təbrik etməmişdilər və son hesabatı gözləyəcəklərini bildirmişdilər.

ATƏT Türkiyədə Konstitusiyaya dəyişikliklərlə bağlı keçirilən referendumun "Avropa Şurası standartlarına uyğun olmadığını" bəyan edib.