BRİTANİYA 23 RUS diplomatı ölkədən QOVDU - Rusiyayla ƏLAQƏNİ KƏSDİ

Britaniya 23 rus diplomatı ölkədən qovdu

Rusiya vətəndaşı olan və ingilis kəşfiyyatına çalışan keçmiş cəsus Sergey Skripalla qızının İngiltərədə zəhərlənməsi olayı ilə bağlı Britaniya hökuməti sərt addım atıb.

 Böyük Britaniyanın baş naziri Tereza Mey olayla əlaqədar 23 rus diplomatın deportasiya edildiyini elan edib. Mey əlavə edib ki, diplomatlara Britaniyanı tərk etmələri üçün bir həftə vaxt verilib. 

Diplomatların deportasiyası zəhərlənmə olayının arxasında Rusiyanın dayandığını iddia edən Böyük Britaniyanın bu ölkəyə cavab addımı olub. Belə ki, martın 12-də Tereza Mey Rusiyanı Skripal və qızının zəhərlənməsində əlaqəsi olmaqda ittiham etmişdi. 

Rusiya XİN rəhbəri Sergey Lavrov isə bəyan etmişdi ki, Moskvanın olayla heç bir əlaqəsi yoxdur. 

Bununla yanaşı, Reuters agentliyi yazır ki, hazırda Rusiya səfiri Britaniya XİN-nə çağırılıb. Böyük Britaniya BMT TŞ-ni Skripalın zəhərlənməsi olayı ilə bağlı təcili toplanmağa çağırıb. 

Qeyd edək ki, Skripal 2004-cü ildə Rusiya Federal Təhlükəsizlik Xidməti tərəfindən həbs edilib və dövlətə xəyanətdə ittiham edilərək haqqında 13 il həbs qərarı çıxarılıb, bütün rütbə və mükafatları əlindən alınıb.  2010-cu ildə isə ABŞ tutduğu 10 rus cəsusu ilə dəyişdirilib. Elə həmin ildən Böyük Britaniyada sadə həyat sürüb. Zəhərlənən ata ilə qızın vəziyyəti isə hazırda ağır olraq qalır. 

***

Böyük Britaniya ölkənin xüsusi xidmət orqanında çalışmış Skripal və qızının zəhərlənməsi ilə bağlı Rusiya ilə ikitərəfli əlaqələri dayandırdığını elan edib. 






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi