Ermənilər Qarabağa görə son variantı İŞƏ SALDI: Kardaşyanı Trampın kabinetinə göndərdilər ...

ABŞ prezidenti Donald Tramp bu ölkədə yaşayan erməni pornoulduz Kim Kardaşyanı qəbul edəcək.

Publika.az xəbər verir ki, “Vanity Fair” nəşri görüşün Ağ Evdə olacağını yazıb.

Məlumata görə, Kardaşyan Trampdan 62 yaşlı Elis Marinin həbsdən çıxarılmasını xahiş edəcək.

Qeyd edək ki, ABŞ-dakı erməni diasporu Kardaşyanın Trampla görüşməsi üçün uzun müddətdir çalışırdı. Məqsədin ABŞ prezidentini “bu yolla ələ almaq” olduğu deyilir. Çünki Tramp prezident seçiləndən sonra qapıları erməni diasporunun üzünə bağlamışdı.

ABŞ-da dərc olunan “California Currier” qəzetinin redaktoru Arut Sasunyan deyirdi ki, erməni diasporunun bu günə qədər Trampla görüşmək təşəbbüsləri nəticəsiz qalıb: “Buna görə də Trampın Ermənistanla bağlı planları müəmmalı olaraq qalır”.

“1in.am” saytı da yazırdı ki, ABŞ-dakı erməni təşkilatları Trampla görüşərək, onun Ermənistan və Dağlıq Qarabağla bağlı mövqeyini anlamaq istəyir.

“Lakin onunla görüşmək cəhdləri alt-üst olur. Trampın inaqurasiyasından sonra onun erməni nümayəndələrini qəbul edəcəyi ehtimalı da kiçikdir. Belə demək mümkünsə, gələn kimi qapıları bağlayıb. Bizim yeganə ümidimiz odur ki, Trampın prezidentliyi dövründə Qarabağda sülh olacaq. Əks təqdirdə, Ermənistan üçün yaxşı gələcək görünmür”, - deyə qəzet yazırdı.

Hələ o vaxt erməni diasporunun Kardaşyanı önə sürməsi və Trampın qapılarını bu yolla açmağı planlaşdırdığı haqda informasiyalar var idi.

Kim Kardaşyanın “Twitter” hesabında Donald Trampın qaçqınların Amerikaya qəbulunun müvəqqəti dayandırılması haqda qərarını tənqid etməsi də təsadüfi hesab edilmirdi. Trampın tərəfdarları bildirirdilər ki, Kardaşyan Trampla görüşmək cəhdləri baş tutmadığına görə belə status yazıb. Və o da qeyd olunurdu ki, Kardaşyan Trampla erməni diasporunun arzusuna görə görüşmək istəyib. Əsas məqsəd Kardaşyan vasitəsilə Trampın kabinetinə yol taparaq, Dağlıq Qarabağ məsələsində Ağ Evin yeni administrasiyasının dəstəyini əldə etməkdir. Bu baxımdan, Kardaşyanın Ağ Evdə Trampla görüşü zamanı erməni diasporunun istəklərini də dilə gətirəcəyi gözlənilir. 






Fikirlər