Krımın statusu məsələsi Moskva ilə Ankara arasındakı “anlaşılmazlıqlar” sırasında qalır. Lakin Rusiya öz mövqeyinin düzgünlüyünü “Türk dostlarına aydınlaşdırmaq üçün” hər şeyi edir.

“AzPolitika” xəbər verir ki, bunu Vladimir Putinin sözçüsü Dmitri Peskov Türkiyə Prezidenti Rəcəb Tayyib Ərdoğanın Krımın Ukraynaya aid olması ilə bağlı açıqlamalarını şərh edərkən deyib.

Brifinq zamanı Peskov deyib ki, Rusiya Türkiyənin mövqeyinin “düz olmadığını” qarşı tərəfə anlatmaq üçün səylərini davam etdirir: "Bu mövzu türk dostlarımızla aramızda olan fikir ayrılıqları kateqoriyasına aiddir. Biz türk dostlarımıza və həmkarlarımıza öz nöqteyi-nəzərimizi izah etmək üçün məqsədyönlü cəhdlərimizdən əl çəkmirik”.