22.03.2014. - Fransız pilot dünya rekordu vurmaq cəhdində qəzaya düşdü - VİDEO
Öz ekstremal rekordlarıyla məşhur olan fransız pilot Qerlen Şişeri (Guerlain Chicherit) avtomobildə ən uzaq məsafəyə tullanmanı həyata keçirib növbəti dəfə özünü tarixə yazmağa qərar vermişdi. Amma bu dəfə nəsə iş düz gətirməyib. Rekordun necə vurulduğunu çəkmək istəyənlər onun yerinə qorxunc bir qəzanı çəkməli olublar.
AzerTaym.az 4charx.com-a istinadən bildirir ki, Qerlen 2011-ci ildə təyin edilmiş 101,19 metr rekordu yeniləməyə qərar vermişdi. Bunun üçün Monster Energy / Toyo Tires MINI Countryman ralli avtomobilindən istifadə olunub. Amma bu dəfə rekordu vurmaq Qerlenə qismət deyilmiş. Nə baş verdiyini videoda görə bilərsiniz. Qəzadan dərhal sonra qəza xidməti yetişib və Şişerini tez avtomobildən çıxardıb xəstəxanaya çatdırıb. Xoşbəxtlikdən, qəhrəman güclü zərər çəkməyib və hətta xəstəxanadan öz fotoşəklini göndərməyə belə imkan tapıb.
Şişerinin özünün bildirdiyinə görə, o özünü çox yaxşı hiss edir və xəstəxanada gecəni istisnasız olaraq yalnız təhlükəsizlik naminə keçirməlidir.
