QARABAĞ QAZİSİNDƏN GƏNC YAZARLARA SƏRT ŞİLLƏ: "XALQIN MÜQƏDDƏS NƏYİ VARSA, MUNDARLAYIB... "

 Rey Kərimoğlu: "Gənc yazarların belə davranışlarının söz və ifadə azadlığı, yazıçı azadlığı adı ilə Azərbaycan cəmiyyətində inkişaf etdirilməsi ən narahatedici məqamdır"

"Gənclərin çoxu savadsızdır, mütaliə ilə məşğul olmurlar və məlumatları azdır. 2-3 yazı yazıblar, şeir müəllifidirlər, elə bilirlər jurnalistdirlər, yazıçıdırlar”.
 
Bunu "Sherg.az”a son vaxtlar gənclərin sosial şəbəkələrdə ədəbi vətarixi şəxsiyyətlərimizə "ilişməsi”, şəhidlərimizə hörmətsizlik sərgiləməsindən danışarkən Qarabağ qazisi Rey Kərimoğlu deyib.
 
 O vurğulayıb ki, həmin gənclərin əksəriyyətini təcrübəsi olan yazıçılar, publisistlər müəyyən mərhələyə gətirib çıxarıb:
"Gənc yazarlar görürlər ki, klassiklərimizi, tanınmış ədəbi şəxsiyyətləri tənqid edəndə daha çox gündəmə gəlirlər. Ona görə, bu yolu tuturlar.
Digər bir qisim isə ailə, cəmiyyət tərbiyəsi görməmiş, mədəniyyəti olmayan şəxslərdir. Bəziləri isə Əkrəm Əylisli kimi dövlətçiliyimizə zərər vuran, yalan, böhtanla məşğul olanların təsirinə düşür. Və təəssüf ki, Əkrəm Əylisli kimi şəxslərin zəhərlədiyi insanlar az deyil. Azərbaycanı sevməyən beynəlxalq qüvvələrin, arxasında ermənilər dayanan donor təşkilatların himayəsində olan şəxsləri də vurğulamalıyıq. Bütün bunlar üst-üstə toplanır, xoşagəlməz vəziyyət yaradır.
Ədəbi şəxsiyyətlərimizi tənqid edənləri, söyənləri dəstəkləməklə əslində onları məhv edirlər, uçuruma aparırlar. Həmin gəncləri bu həddə gətirib çatdıran, şəhidlərimizi, milli dəyərlərimizi təhqir etmələrinə yol verən elə bəzi "ziyalılardır”. Onların dövlətə, millətə müəyyən xidmətləri ola bilər, amma dərinliyə getdikdə o ziyalılar da həmin gənclər ağıldadırlar.
Davam etdirilən bu tendensiyanın məqsədi Azərbaycanın toplum olaraq, milli-mənəvi dəyərlərini gözdən salmaq, dəyərlənini əlindən almaqdır. Xalqın müqəddəs olan nəyi varsa, mundarlayıb, təhqir edirlər ki, Azərbaycan cəmiyyəti ayaqda dura bilməsin. Dəyərlərimizi gözdən salıb bizi istənilən xarici təcavüzün qarşısında müqavimətsiz qoymaq istəyirlər. Bu məkrli, arxasında böyük güclərin durduğu, mərkəzdən idarə olunan məsələdir. Bəzi gənc və gənc olmayan qanmazlar isə bunu anlamır”.
 
Qarabağ qazisinin sözlərinə görə, gənc yazarların belə davranışlarının söz və ifadə azadlığı, yazıçı azadlığı adı ilə Azərbaycan cəmiyyətində inkişaf etdirilməsi ən narahatedici məqamdır:
"Tək şəhidlərimizi təhqir etməklə, müasir şəxsiyyətlərin tənqidi ilə gündəmə gəlmirlər. Hətta, Məhəmməd Əmin Rəsulzadəni təhqir edənləri də görmüşük. Fikrimcə, Xəlil Rza Ulutürkü təhqir edən də gədadır, Rəsulzadəni təhqir edən də. Hər ikisi dövlətimiz, millətimiz üçün təhlükəlidir.

 

Rusiyanın məşhur ziyalısı Stanislav Qavruzindən soruşurlar ki, Rusiya cəməyyətinin inkişafı üçün əxlaq lazımdırmı? O cavab verib: "Əxlaq nəinki lazımdır, hətta vacibdir. Əxlaqı dəyərlər cəmiyyətin ayaq üstə durması üçün çox vacibdir. Cəmiyyətin ayaq üstə durması üçün əxlaq normaları, insanın ləyaqətli şəxsiyyətə malik olması, bütün müsbət keyfiyyətləri olmalıdır”. 

 

 

 

 

 

 

 






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi