Sentyabrın 1-də keçiriləcək Milli Məclisə növbədənkənar seçki prosesində rəqabət mühiti getdikcə qızışır.
VI cağırış Milli Məclisin deputatı olmuş bir sıra şəxslərin bu seçkilərdə yenidən namizəd ola bilməyəcəyi, bəzilərinin namizəd olacağı halda belə, yenidən seçilmək şansları itiriləcək. Məlumatlardan bəlli olur ki, Cəlilabad rayonunda deputat mandatı uğrunda "nəhənglərin” seçki savaşı artıq başlayıb. Belə ki, bu rayonda deputatlıq uğrunda yarışda bu rayondan olan sabiq iqtisadiyyat naziri Fərhad Əliyev özü ön planda olmasa da, yenidən Cəlilabadı "kurasiyasına” götürməyə çalışır. Cəlilabadda Fərhad Əliyev Əmlak Məsələləri Komitəsinin keçmiş sədri, Prezidentin köməkçisi – Prezidenti Administrasiyasının Dövlət nəzarəti məsələləri şöbəsinin müdiri Kərəm Həsənovun bu rayondan deputat seçilmiş qardaşı Malik Həsənovla üz-üzə gəlir.
Növbədənkənar parlament seçkiləri barədə araşdırma aparan veteninfo.az saytı yazır ki, bu seçkilərdə yenidən parlamentə düşmək istəyən bəzi YAP üzvlərinə indidən qapını göstəriblər. "Çoxlarına bəllidir ki, YAP açıq şəkildə bəyan edib ki, partiyanın bu dəfəki namizədləri modern düşüncə sahibi olan şəxslər olacaq. Bir çox rayonlarında YAP sədrlərinə bu barədə göstəriş verilib. Bu dəfə parlamenti özü üçün qoruma yolu seçən 67 saylı Cəlilabad şəhər seçki dairəsindən millət vəkili seçilən Malik Həsənov haqqında məlumat verəcəyik. 4 ildir ki, cəlilabadlılar millət vəkilləri Malik Həsənovu axtarıb tapa bilmirlər. Keçən iki cağırış Malik Həsənov bir dəfə də olsun secicilərini ziyarət etməyib. Bunu biz demirik. Onun seciciləri sosial şəbəkədə yazırlar. Görünür, Malik Həsənovun secicilərinin qarşısına cıxacaq nə üz var, nə də sözü…”, – deyə sayt qeyd edir.
Qeyd edək ki, Fərhad Əliyevin seçki prosesinə qoşulması ilə Malik Həsənovun yenidən deputat olmaq şansı getdikcə azalır. Çünki Fərhad Əliyev M.Həsənovun yerinə öz adamın seçdirmək istəyir. Fakt isə budur ki, əhali arasında müsbət meyllər Fərhad Əliyevin tərəfindədir. Lakin bu vaxta qədər Kərəm Həsənov və onun deputat olan qardaşı Malik Həsənov rayon üçün hansısa faydalı işə sahib olmayıb, rayon əhalisinin güzəranına müsbət təsir edə bilən hansısa işlər görməyib. Malik Həsənov inzibati resursların hesabına deputat olduğu üçün rayon əhalisinin səsi və mövqeyi onun üçün heç bir əhəmiyyət kəsb etməyib. Fərhad Əliyev isə vəzifədə olarkən Cəlilabad rayonu sakinlərinə daha çox diqqət göstərib, bu da seçicilər arasında onun namizədinə səs vermək şanslarını artırır. Malik Həsənovun yenidən deputat seçilməsini rayon əhalisi onsuz da istəmirdi, digər tərəfdən Fərhad Əliyevin yenidən meydana çıxması onun yenidən deputat seçilməsinə ciddi problem yaradacaq.
Malik Həsənovun fəaliyyəti barədə məlumat verən veteninfo.az saytı yazır ki, bu illər ərzində millət vəkili ancaq öz biznesini genişləndirməklə məşğul olub.
"O, millət vəkili kimi deyil, daha çox biznesmen kimi tanınır. Malik Həsənovun əlinin altında sahib olduğu onlarla şirkət, restoran, ticarət mərkəzləri var. "Baku Mall”, "X-Petrol” yanacaqdoldurma məntəqələri,”Bağçasaray” restoranlar şəbəkəsi məhz Malik Həsənova məxsusdur. Bəziləri zarafatla deyirlər ki, Cəlilabad məhz Həsənovların kurasiyasındadır. Bütün bu gücə baxmayaraq, nədənsə Malik Həsənov və onun himayəçiləri sadə secici ilə maraqlanmır”, – deyə məlumatda qeyd olunur.
Fikirlər