"İnsanlardan NECƏ PUL alardım, VİCDAN OLMALIDIR" - ZÜLFİYYƏ

"Bu xəstəliyə görə Allahıma şükür edirəm. Demək ki, məni yadına salıb. İnsan sevdiyinin yanına sevinərək gedər. Öləcəmsə də, şükür edirəm".

Bu sözləri aparıcı-vəkil Zülfiyyə Bayramova "Bizimləsən" verilişində deyib. Xərçəngdən əziyyət çəkən aparıcı xəstəliyə qalib gəlməsindən danışıb. O, aparıcı Zaur Baxşəliyevin və başqalarının yardımını qəbul etmədiyini söyləyib:

"Ölümlə qarşılaşdım, heç kimdən işim keçmədi. Zaur hər gün gəlirdi deyirdi ki, müalicənin yarı pulunu verim. Bir dərmanım var, xaricdən gəlir, bahadır. Hər gün deyirdi ki, onun pulunu verim. Dedim ki, yox. Hər həftənin 7 gününü işləsin. Gəlim ona qabırğa olum ki, maaşının yarısını mənə ver. Vicdan deyilən bir şey var. Onun sözü mənə bəs idi, köməyi qəbul etmədim. Onun maaşı övladının haqqıdır. 

Övladlarıma təşəkkür etmirəm, boyunlarının borcudur. Amma Samir Qulamovla Vüqar Təhməzov mənə başqa cür yardım etdilər. Gördülər heç kimdən yardım qəbul etmirəm, zəng etdilər ki, uşağınızı göndərin, kinoya çəkək. Mənə o, anda ən çox nigaran qaldığım tərəfdən kömək etdilər. Bu, mənə o qədər böyük dəstək oldu.

Xərçəng mənim bacımı alıb. Mən də onun qisasını aldım. Eşitdiyim gündən dedim ki, sən məni öldürməyəcksən, sənə qalib gələcəm".

Qeyd edək ki, Zülfiyyə mədə xərçəngindən əziyyət çəkirdi. O, artıq xəstəliyinin sağaldığını, xərçəngə qalib gəldiyini bildirib.






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi