Putin, Ruhani və Əsəd Ərdoğanın qarşısında niyə GERİ ÇƏKİLDİ?

Putin, Ruhani və Əsəd Ərdoğanın qarşısında niyə GERİ ÇƏKİLDİ? - Soçi razılaşmasının PƏRDƏARXASI

Türkiyə və Rusiya prezidentlərinin Soçi görüşündə İdlib razılığı regiondakı mənzərəni dəyişdi. Bütün dünyanın müharibə gözlədiyi şəhərdə sülh əldə olundu, Əsəd və müxaliflər arasında təhlükəsizlik zonası yaradıldı. Maraqlıdır ki, İdlibə hücuma hazırlaşan Əsəd niyə razılaşmaya boyun əydi? O da maraqlıdır ki, İran İdlib razılaşmasında yer almadı.

Publika.az xəbər verir ki, türkiyəli yazar Mehmet Acet İdlib razılaşmasının pərdəarxasında baş verənləri ortaya çıxarıb.
Türkiyəli yazar qeyd edir ki, Əsəd rejimi bu razılaşmanı məmnuniyyətlə qarşıladığını açıqladı.
Hərçənd, bu açıqlamanı “Qızıl teştə qan qusmaq” kimi oxumaq lazımdır. Çünki bu razılaşmanın ilk itirəni Əsəd rejimi oldu. Ruslar Ərdoğanla razılaşmaq məcburiyyətində qaldılar. Çünki İdlibdə Türkiyənin nəzarətində Milli Qurtuluş Cəbhəsi adı altında toplanan 60 min döyüşçü var. Əsədin bu ordu ilə döyüşmək gücü yoxdur.
Razılaşmada sürpriz olan İranın İdlib məsələsinə qarışmamasıdır. Burada iki səbəb var: birincisi, İran daxildə ciddi problemlərlə məşğuldur. Noyabr ayında ABŞ neft də daxil olmaqla geniş çaplı sanksiya tətbiq edəcək. İkincisi, İran sanksiyaların tətbiq ediləcəyi ərəfədə Türkiyə ilə qarşıdurma istəmir. Çünki sanksiyalar məsələsində Türkiyənin ona dəstək verməsini istəyir.
Putinin Ərdoğanın şərtləri ilə razılaşmasının səbəbi isə İdlibdə başlana biləcək döyüşlərin Hələbə, Hamaya və Suriyanın digər ərazilərinə də keçməsi ehtimalı idi.






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi