18 oktyabr qeyri-iş günü olsun! - Müstəqillik günü ilə bağlı TƏKLİF VERİLDİ

18 oktyabr Azərbaycan tarixinin ən şərəfli səhifələrindən biri - Dövlət Müstəqilliyi Günüdür. XX ərin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa edib.

1991-ci il oktyabrın 8-də Azərbaycanın keçmiş Ali Sovetinin işə başlanan növbədənkənar sessiyası dörd gün müzakirələr aparıb. Nəhayət, 1991-ci il oktyabrın 18-də Ali Sovetin sessiyasında tarixi sənəd - Dövlət Müstəqilliyi haqqında Konstitusiya Aktı qəbul edilib. 
Konstitusiya Aktında göstərilib ki, müstəqil Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin hüquqi varisidir.

Bununla da Azərbaycanın tarixində yeni dövrün başlanğıcı qoyuldu.
Qeyd edək ki, 1992-2006-cı illərdə 18 oktyabr tarixi Azərbaycanda rəsmi bayram kimi qeyri-iş günü olub. 
Amma 2006-cı ilin dekabrında Milli Məclidə Əmək Məcəlləsinə edilən əlavə və dəyişiklərdən sonra 18 oktyabr - Dövlət Müstəqilliyi günü, 12 noyabr - Konstitusiya Günü və 17 noyabr - Milli Dirçəliş Günü münasibətilə verilən istirahət ləğv edilib. Həmin günlər bayram günü kimi saxlanılsa da, iş günü sayılır. 
O zaman 18 oktyabrın iş günü elan edilməsi ölkədə birmənalı qarşılanmamışdı. Çoxları Milli Məclisin Azərbacan üçün çox önəmli bir tarixi dövlət səviyyəli bayramlar siyahısından çıxararaq, onu peşə bayramı səviyyəsinə enidirməsini mənfi hal kimi qiymətləndirir.
Çünki dünyanın bir çox ölkələrinin müstəqillik əldə etdiyi gün qeyri-iş günü sayılır.

Milli Məclisin deputatları Modern.az saytı vasitəsilə 18 Oktyabr Müstəqillik gününün yenidən qeyri-iş günü olmasını təklif ediblər.

 Milli Məclisin İqtisadi siyasət, sənaye və sahibkarlıq komitəsinin üzvü, “İstiqlalçı deputat” Vahid Əhmədov 18 oktyabrın Azərbaycanda qeyri-iş günü elan edilməsinin tərəfdarı olduğunu vurğulayıb:

“Bütün dünya dövlətlərinin rəhbərləri Azərbaycanı 18 oktyabrda daha çox təbrik edirlər. Çünki həmin gün müstəqilliyimiz haqqında Konstitusiya Aktı qəbul olunub. Ona görə də bu günün qeyri-iş günü elan edilməsi daha çox əhəmiyyətlidir. Təklif edirəm ki, Müstəqillik günü Azərbaycanda qeyri-iş günü elan edilsin.  Yəni insanlar hiss etməlidir ki, müstəqillik günü Azərbaycan üçün ən önəmli, tarixi günlərdən biridir, bayramdır, istirahət günüdür. 18 oktyabr Müstəqillik günümüzlə əlaqədar mən millətimi təbrik edirəm. Müstəqilliyiniz mübarək olsun!”.

 Milli Məclisin İctimai birliklər və dini qurumlar komitəsinin üzvü Fazil Mustafa deyib ki, Müstəqillik gününün qeyri-iş günü elan edilməsi məsələsi dəfələrlə parlamentdə gündəmə gətirilib.

“Ancaq bununla bağlı heç bir qərar dəyişməyib. Mənim fikrimcə, oktyabrın 18-i Azərbaycanda qeyri-iş günü olmalıdır. Bu, daha doğru olar. Təəssüf ki. Milli Məclisdəı qərar səs çoxluğu ilə qəbul olunduğuna görə, hələ ki məsələyə təsir etmək imkanımız yoxdur”.

 Milli Məclisin Hüquq siyasəti və dövlət quruculuğu komitəsinin üzvü, “İstiqlalçı deputat” Tahir Kərimli də 18 oktyabr Müstəqillik gününün yenidən qeyri-iş günü olmasını təklif edib:

“Əvvəllər oktyabrın 18-i qeyri-iş günü idi. Ancaq sonradan belə məsləhət oldu ki, oktyabrın 18-i iş, 28 May Respublika günü isə qeyri-iş günü  olsun. Ancaq müstəqillik günü bir çox ölkələrdə qeyri-iş günüdür və böyük bayramlardan sayılır. Dəfələrlə Milli Məclisdə də oktyabrın 18-nin yenidən qeyri-iş günü olması ilə bağlı deputatlar məsələ qaldırıblar. Güman edirəm ki, dövlət gec, ya tez bunu nəzərə alacaq”.






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi