Rusiya Ermənistanla hərbi təlim keçirdi - Qırıcılar İrəvan səmasında
Rusiyanın Erebuni aviasiya hərbi bazasının pilotları və Ermənistandakı Cənub Hərbi Dairəsinin hərbi bazasının hava hücumundan müdafiə bölmələrinin zenit bölmələri erməni hərbçiləri ilə birgə təlim tapşırıqlarını yerinə yetiriblər.
Teleqraf.com xəbər verir ki, bu barədə jurnalistlərə Cənub Hərbi Dairəsinin mətbuat xidmətinin rəhbəri Vadim Astafyev məlumat verib.
“Təlim məşğələləri zamanı hava məkanını pozanları imitasiya edən şərti hava hədəflərinin aşkarlanması və tutulması üzrə tədbirlər hazırlanıb”, - açıqlamada deyilib.
