SPİKER deputata hirsləndi: “EŞİTMƏYİ BACARIN”

“İslahatlar aparaq, işimizi daha səmərəli quraraq, mənfəəti artıraraq, büdcəyə daxil olan vəsaitləri artıraraq, problemləri daha əlverişli və səmərəli şəkildə həll edə bilərik. Ancaq hansısa sahəyə ayrılan vəsaitin artırılması ilə bağlı danışarkən mənbəyini də göstərin. Addım atmaq, hərəkət etmək lazımdır.
Danışılanlardan belə çıxır ki, biz deputatlar milləti sevirik, hökumət nümayəndələri isə yox. Birinci deyin görüm pulu artırmaq üçün neçə milyard vəsait lazımdır. Gəlin bu nöqteyi-nəzərdən çıxış edək. Mənbəyini bilirsinizsə, bizlə və hökumət nümayəndələri ilə də bölüşün”.

Modern.az-ın məlumatına görə, bunu parlamentin iclasında Milli Məclisin vitse-spikeri Valeh Ələsgərov deyib.

Deputat Fəzail Ağamalının çıxışına münasibətini bildirən vitse-spiker bildirib:

“Məmurların mülklərinin satılmasının hüquqi yolunu bilirsinizsə, o zaman deyin. Yazın verin hökumətə, qoy etsinlər. Sonra da tələb edin”.

Fəzail Ağamalı vitse-spikerə cavab olaraq söz haqqı istəsə də, spiker Oqtay Əsədov məsələyə müdaxilə edərək deyib:

“Fəzail müəllim, siz danışdınız biz qulaq asdıq. Eşitməyi bacarın”






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi