Ermənistan ordusu 4 gün ərzində... - Qarabağda yeni MÜHARİBƏNİN SSENARİSİ

Ermənistan ordusu 4 gün ərzində... - Qarabağda yeni MÜHARİBƏNİN SSENARİSİ

Ermənistan ordusu işğal altında olan Azərbaycan ərazilərində iyunun 18-dən 22-dək komanda-ştab təlimləri keçirib.

Publika.az Ermənistan KİV-inə istinadən xəbər verir ki, Ermənistanın Müdafiə Nazirliyinin mətbuat xidmətinin məlumatına görə, təlimlərin gedişatını qondarma “DQR”-in “müdafiəsi ordusunun komandanı” Levon Mnasakanyan izləyib.

Təlimlər “Tiqranakert” poliqonunda rəqibin gözlənilməz hücumu şəraitində başlayıb. Təlimlərin ssenarisinə rəqibin irəliləyişini dayandırmaq, müdafiə döyüşünü həyata keçirmək, daha sonra əks-hücuma keçmək, itirilmiş mövqeləri bərpa etmək və daha əlverişli mövqeləri tutmaq daxil edilmişdi.

Şərti döyüş meydanında rəqib aviasiyan, raket sistemləri və başqa silahlardan istifadə edib. Növbətçi qruplardan başqa, həmçinin diversiya-kəşfiyyat və desant qrupları hərəkət edirdi. Məlumata görə, təlimlərdə ordu bölmələri bir sıra yeni silah növləri və müasir texniki vasitələrdən istifadə ediblər.






Fikirlər