BAKIDAKI TOZLU HAVA KÜTLƏSİNDƏN NECƏ QORUNAQ?" - TÖVSİYƏ
"Bu gün müşahidə olunacaq tozlu hava ilə insanın təmasının minimuma endirilməsi üçün xüsusi tədbirlər görülməsi vacibdir”. 
05-04-202504-04-2025
Bunu bu gün gecə və sabah səhər saatlarında Türkmənistandan Azərbaycana hava vasitəsilə gələcək toz -dumanından qorunma usualları barədə danışarkən tibb elmləri doktoru, professor Adil Qeybulla deyib.
Həkim bildirib ki, bu hava uzun müddət davam etməsə də, əhalinin ehtiyatlı davranması vacibdir:
"Müəyyən qısamüddətli şəraitdə paytaxt ərazisində toz dumanı olacaq. Həmin vaxt bayırda olanda maskalardan istifadə etmək gərəkir. Bu dövrdə pəncərələri mümkün qədər bağlı saxlamaq lazımdır. Toz duman çökənə qədər və ya külək həmin havanı başqa ərazilərə daşıyana qədər insanların həmin havadan qorunması lazımdır. Bakı küləkli şəhər olduğundan bu cür toz-dumanın qalma şansı çox azdır. Amma Azərbaycan ərazisindən havanın çıxması üçün müəyyən vaxt lazımdır. O müddət ərzində insanların hava ilə ciddi təması az olmalıdır. Çünki toz hissəciklərinin tənəffüs yollarına düşməsi bir sıra xəstəliklərə səbəb ola bilər. Maskalardan istifadə etmək, həmin vaxtda bayırda çox qalmamaq evdə olanda mümkün qədər qapıları pəncərələri bağlı saxlamaq tozlu havadan qorunmanı təmin edə bilər”.
Qeyd edək ki, metereoloji şəraitlə bağlı olaraq bu gün gecə və sabah səhər saatlarında Türkmənistandan Azərbaycana toz dumanı gələcək. Toz dumanı artıq Xəzər dənizinin üzərindədir. Günün ikinci yarısından sonra toz dumanı hava axını ilə birlikdə ölkə ərazisinə daxil olacaq.
Fikirlər
-
Reklam
-
Əsas xəbərlər
