Türkiyə prezidentinin baş sözçüsü 15 iyul çevrilişi ilə bağlı yeni fakt açıqlayıb.

“Qafqazinfo” xəbər verir ki, Yalçın Topçunun sözlərinə görə, əgər həmin gecə çevriliş cəhdi baş tutsaydı Ərdoğanın yerinə Milli qvardiyanın Alay Komandiri Muhsin Kutsi Barış oturacaqdı.

Xatırladaq ki, çevriliş planını həyata keçirməkdə şübhəli bilinərək ifadəsi alınan qərargah polkovniki Muhsin Kutsi Barış FETÖ ilə əlaqəsinin olmadığını və aldadıldığını bildirmişdi:

“Fətulla Güləni mətbuatdan tanıyıram. Şəxsən görüşməmişəm. Mənə görə Gülən özünü “hoca” deyərək təqdim edən, ölkəyə zərər vuran təşkilatın rəhbəridir. Mən namaz qılmıram, arada oruc tuturam”.