Kremlin mətbuat katibi Dmitri Peskov İŞİD lideri Əbubəkr Bağdadinin Suriyada tutulmasına dair çıxan xəbərlərlə bağlı açıqlama verib.

Publika.az xəbər verir ki, D.Peskov amerikalı əsgərlərin Bağdadini tutub Suriyanın şimalındakı hərbi bazalarına apardıqları barədə xəbərlərin yalan olduğunu deyib. O, belə iddiaların hansı əsasla yayıldığını başa düşmədiyini bildirib.

Qeyd edək ki, Türkiyənin “Yeni Şəfəq” qəzeti Bağdadinin bir müddət İraqda saxlanıldığını, daha sonra Haseki bölgəsindəki bir polis məntəqəsinə aparıldığını bildirmişdi.