Türkiyə Silahlı Qüvvələri və Azad Suriya Ordusunun (ASO) Afrin bölgəsində həyata keçirdiyi “Zeytun budağ”ı əməliyyatı 49-cu günündə müvəffəqiyyətlə davam edir.

Publika.az Türkiyə KİV-inə istinadən xəbər verir ki, Türkiyə Silahlı Qüvvələri və ASO Afrinin mərkəzi hissəsinin sərhədlərinə çatıb.

Birliklər həmçinin, Afrinlə Azezi içməli su ilə təmin edən bəndə nəzarəti təmin edib.

“Zeytun budağı” əməliyyatı çərçivəsində qazanılan qələbələr Türkiyənin də üzvü olduğu NATO-da ciddi narahatlıq yaradıb. NATO baş katibinin müavini Rouz Qetemüller Türkiyədən “Zeytin budağı” əməliyyatının ərazi və zaman baxımından məhdudlaşdırılmasnı istəyib.