Sabiq Kənd Təsərrüfatı naziri, Azərbaycan Dövlət Dəniz Akademiyasının rektoru Heydər Əsədovun biznesi şirkətinin adı məlum olub.
"AzerTaym.az" pravda.az-a istinadən xəbər , bu barədə araşdırmaçı jurnalist Cavanşir Həsənli məlumat yayıb.
C.Həsənli qeyd edib ki, H.Əsədovun oğlu Asif Əsədzadə atasının hesabına Londonda xeyli mülkə, ən bahalı avtomobillərə sahibdir: "Xarici mətbuat vaxtilə onun London küçələrində Azərbaycana məxsus dövlət nömrə nişanlı bahalı avtomobillə şütüməsindən yazırdı.
Digər oğlu Vaqif Əsədzadə Türkiyədə iri turizm şirkətinin sahibidir, otel alıb. Heydər Əsədov hələ Azərbaycan Respublikası Hesablama Palatasının sədri vəzifəsində olarkən...
Vaqif Əsədzadə və həyat yoldaşı Günay Abdullayeva VAGU TURİZM SANAYİ VE TİCARET LİMİTED ŞİRKETİni 2012-ci ilin fevralın 1-də İstanbul Ticarət Müdirliyində öncə 100 min lirə nizamnamə kapitalı ilə qeydiyyatdan keçirib. Həmin il mayın 2-də nizamnamə kapitalı 1 milyon lirəyə qaldırılır. Lirənin o zamankı kursu ilə 650 min dollar. Heydər Əsədovun adı da Koronavirusla Mübarizəyə Dəstək Fonduna vəsait köçürənlər siyahısındadır. 5000 manat! Oğlu isə 1000 manat köçürüb. Türkiyəyə çıxardığı milyonun xəcalətini ödəyib".