Azərbaycan və Ermənistan xarici işlər nazirləri Elmar Məmmədyarov və Edvard Nalbandyan Kiyevdə təkbətək görüş keçiriblər. Bu barədə Trend ATƏT-in Minsk qrupunun ABŞ-dan olan həmsədri Ceyms Uorlikin "Twitter" səhifəsində yazdığına istinadən xəbər verir.

Görüşdə Dağlıq Qarabağ münaqişəsinin sülh yolu ilə tənzimlənməsi müzakirə edilib.

Təkbətək görüşdən sonra hər iki ölkənin xarici işlər nazirləri ATƏT-in Minsk Qrupunun həmsədrlərinin iştirakı ilə də görüş keçiriblər.

Qeyd edək ki, Elmar Məmmədyarov və Edvard Nalbandyan ATƏT-in Nazirlər Şurasının iclasında iştirak etmək üçün Kiyevdə səfərdədirlər.