"Bunu heç kim etməməlidir"
Hurriyyet.az xəbər verir ki,  RF Prezidentinin mətbuat katibi Dmitri Peskov istintaqın davam etdiyi müddətdə Azərbaycana məxsus AZAL aviaşirkətinin Qroznı şəhərinə səfər edən sərnişin təyyarəsinin Qazaxıstanın Aktau şəhərində qəzaya uğramasının səbəbləri ilə bağlı fərziyyələr irəli sürməyin düzgün olmadığını söyləyib. Onun sözlərinə görə, heç kim fərziyyələr irəli sürməklə məşğul olmamalıdır, Kreml də bunu etməyəcək.
Peskov brifinqdəki çıxışı zamanı deyib: "Hazırda istintaq gedir. İstənilən aviasiya insidenti ixtisaslaşdırılmış aviasiya idarələri tərəfindən araşdırılmalıdır. İstintaqın bitməsini gözləmək lazımdır. İstintaq nəticə çıxarmazdan əvvəl hansısa fərziyələrin irəli sürülməsi düzgün olmaz. Əlbəttə ki, biz də bunu edə bilməyəcəyik. Heç kim bunu etməməlidir".