Türkiyə Prezidenti Rəcəb Tayyib Ərdoğan “Azərbaycan Respublikası Hökuməti ilə Türkiyə Respublikası Hökuməti arasında texniki əməkdaşlıq haqqında” 2016-cı il martın 15-də Ankara şəhərində imzalanmış Protokolu təsdiq edib.

Qeyd edək ki, sənəd iki ölkə arasında sosial və iqtisadi əməkdaşlığı daha da inkişaf etdirmək və əlaqələri texniki əməkdaşlıq yolu ilə dərinləşdirmək məqsədi daşıyır. Protokol tərəflər arasında texniki əməkdaşlığı icra etmək üçün ümumi qaydaları müəyyənləşdirir.