Gürcüstanda rekord -1 595 yeni yoluxma - 6 nəfər ÖLDÜ...
Son günlər Gürcüstanda koronavirus tüğyan edir. Belə ki, son sutka ərzində ölkədə 1 595 yeni koronavirusa yoluxma faktı aşkarlanıb. "AzerTaym.az" bildirir ki, bu qonşu ölkə üçün rekord həddir. Bu günədək Gürcüstanda 22 803 nəfərə COVİD-19 diaqnozu qoyulub. Ölənlərin sayı isə daha 6 nəfər artaraq 178-ə yüksəlib. Qeyd edək ki, hazırda Gürcüstanda 13 224 aktiv virus daşıyıcısı var.