“7 MİLYON dollarlıq terrorçu” MƏHV edildi (VİDEO)
Amerika təyyarələrinin Suriya ərazisinə hava zərbələri nəticəsində “İraq Şam İslam Dövləti” terror təşkilatı liderinin müavini məhv edilib. APA TV-nin məlumatına görə, bunu Pentaqondan bildiriblər. 
18-03-202417-03-202416-03-2024
Söhbət Hacı İman kimi tanınan Əbdül Rəhman Mustafa əl-Qadulidən gedir.
Pentaqon rəhbəri Eşton Karter keçirdiyi mətbuat konfransında terrorçunun məhv edildiyi əməliyyat və Hacı İmanın İŞİD-dəki rolu barədə danışıb. O, bildirib ki, əl-Qaduli İŞİD-in maliyyə naziri funksiyasını yerinə yetirib. Suriya və İraq ərazisindəki terror aktlarında da Hacı İmanın rolu olub:
“O, dünyaca məşhur terrorçu, İŞİD-in rəhbərlərindən biri olub. Əvvəllər başqa terror təşkilatında - “Əl Qaidə”də fəaliyyət göstərib. Bu terrorçunun məhvi İŞİD-in Suriya və İraq ərazilərində, eləcə də, bu ölkələrdən kənardakı çoxsaylı əməliyyatlarını zərbə altında qoyacaq”.
Qeyd edək ki, əl-Qadulinin yeri barədə informasiyaya görə 7 milyon dollarlıq mükafat vəd edilmişdi.
O, 2012-ci ildə həbsdən buraxıldıqdan dərhal sonra terror fəaliyyəti ilə məşğul olmağa başlayıb.
2014-cü ilin sentyabrında Əbdül Rəhman Mustafa əl-Qaduli BMT Təhlükəsizlik Şurasının terrorçular siyahısına daxil edilib.
Fikirlər
-
Reklam
-
Əsas xəbərlər
