AFFA-nın I vitse-prezidenti: “Hakim “Atletiko”nun qapısına 11 metrlik cərimə verməli idi”

““Qarabağ” Futbol  Klubu növbəti ilkə imza atdı. Avropanın elecə də dünyanın  ən güclü  futbol kulublarından biri sayılan  Madridin “Atiletiko” komandası ilə  oyunda  “Qarabağ” Çempionlar Liqasında ilk xalını qazandı”.

 

Bunu Modern.az-a açıqlamasında AFFA-nın I vitse-prezidenti, deputat Rauf Əliyev deyib.

 

Onun sözlərinə görə, Çempionlar  Liqasına  çıxması ilə artıq Azərbaycanın futbol  tarixinin ən uğurlu nəticəsini əldə edən  “Qarabağ” eyni zamanda böyük siyasi uğur da qazandı.

 

“Artıq  “Qarabağ” bütün dünyaya Qarabağın əzəli Azərbaycan torpaqları olduğunu  yüz milyonlarla tamaşaçı qarşısında nümayiş etdirir. Bu ermənilərin Azərbaycana qarşı apardıqları çirkin təbliğat kampaniyasına tutarlı cavabdır.

 

Oyunu idarə edən hakimin  “Atiletiko” nun qapısına  11 metrlik cərimə zərbəsi təyin etməməsi, üstəlik “Qarabağın” aparıcı hücumçusunun meydandan çıxarılması da futbolçularımızı ruhdan salmadı, onlar  azlıqda qalmalarına baxmayaraq sona kimi əzmkar mübarizə apardılar.

 

“Qarabağ” bu oyunu ilə göstərdi ki, komanda düzgün yoldadır və onlar oyundan-oyuna  öz oyunlarını təkminləşdirirərək Azərbaycan futbolunu dünyaya nümayiş etdirirlər. Bu uğurlar cənab Prezident İlham Əliyevin rəhbərliyi ilə ölkəmizdə idmanın bütün sahələrinə o cümlədən futbolun inkişafına göstərilən diqqət  və qayğının nəticəsində əldə olub.

Komandanın rəhbərliyini, məşqçi heyyətini, bütün üzvülərini keçirdikləri yüksək səviyyəli, əzmkar oyun münasibəti ilə təbrik edir, onlara növbəti oyunlarda uğurlar arzu edirəm”-deyə R. Əliyev bildirib. 

 






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi