Rusiyanın 102-ci hərbi bazasının bir hissəsini Azərbaycanla sərhədə köçürməsi planı (Şərh)

Rusiyanın 102-ci hərbi bazasının bir hissəsini Azərbaycanla sərhədə köçürməsi planı (Şərh)

"Rusiyanın Ermənistandakı hərbi bazasının bir hissəsinin ölkənin şərqinə köçürülməsi barədə müzakirə aparılır”.
Qaynarinfo xəbər verir ki, bunu politoloq Şahin Cəfərli deyib. Onun sözlərinə görə, yekun razılıq əldə olunduqdan sonra 102 saylı hərbi bazanın hərbi birləşmələrindən birinin daimi əsasda bizim sərhədlərimizdə - Qarabağ istiqamətində yerləşdirilməsi planlaşdırılır. 
Politoloq bunun səbəbini belə izah edib: 
"Aydındır ki, Azərbaycandan Ermənistana hər hansı hücum gözlənilmir - ən azı nə qədər ki, Ermənistan ikitərəfli və çoxtərəfli anlaşmalar çərçivəsində Rusiyanın mühafizəsi altındadır, Bakıda kimsə belə bir fikrə düşə bilməz. Fikrimcə, burada məqsəd gələcəkdə ehtiyac yaranacağı təqdirdə, çox operativ şəkildə və ən qısa müddətdə Qarabağa əlavə hərbi qüvvə atmaq üçün zəruri platsdarm və infrastruktur yaratmaqdır. Bu, həm də Azərbaycan üzərində əlavə bir basqı yaradacaq. Rusiyalı politoloq Sergey Markovun Azərbaycanın Avrasiya İqtisadi İttifaqına üzvlüyü məsələsini gündəmə gətirməsi də diqqətəlayiq detaldır. Markov, Korotçenko kimiləri özlərini bizim ictimaiyyətə "Azərbaycanyönümlü" kimi göstərib, Azərbaycan ictimai rəyində etimad qazanaraq Kremlin tezislərini translyasiya edən, Rusiyanın maraqlarını burada yeritməyə çalışan qatı imperialist adamlardır. Bizim sadəlövh insanlarımız isə onların açıqlamalarına uşaq kimi sevinir, mediamız onlardan müsahibə almaq üçün sıraya düzülür”. 
Sahin Cəfərli 10 noyabr 2020-ci il bəyanatından sonra yaxın gələcəkdə Rusiyanın Azərbaycanın Avrasiya İqtisadi İttifaqına üzvlüyü məsələsini gündəmə gətirəcəyini qeyd edib:
"Amma bu qədər tez gözləmirdim. Kommunikasiyaların açılması da bu məqsədə xidmət edir”.






Fikirlər