Xəbər verdiyimiz kimi, İmişlidə 9 may tədbirləri zamanı qaldırılan SSRİ bayrağı və "Georgi lenti"nə görə rayonun Ağsaqqallar Şurasının sədri Saleh Səmədov vəzifəsindən kənarlaşdırılıb. 

AzerTaym.az yenisabah.az-a istinadən xəbər verir ki, Saleh Səmədovun yerinə müvəqqəti təyin olunan Vahid Tağıyev də dünən müvəqqəti icra etdiyi İmişli rayon Ağsaqqallar Şurasının sədri vəzifəsindən istefa verib. Bununla bağlı istefa ərizəsini o sosial şəbəkədə paylaşıb.

O, Azərbaycan Ağsaqqallar Şurasının sədri, deputat Eldar Quliyevə ünvanladığı müraciətdə xahiş edib ki, onu İmişli rayon Ağsaqqallar Şurasının sədri və şura üzvlüyündən azad etsin.