20.01.2014. - Bu gün XALQIMIZ ÖZ QURBANLARINI ANIR!
Azərbaycan bu gün 20 Yanvar – Ümummilli Matəm gününü qeyd edir.
Səhər saatlarından başlayaraq faciə qurbanlarının xatirəsi anılmağa başlanılıb. Anım günü münasibəti ilə Şəhidlər Xiyabanına yüzlərlə insan axın edir, şəhidlərin məzarlarını ziyarət edirlər.
Qeyd edək ki, ziyarət axşam saatlarına kimi davam edəcək. Şəhidlər Xiyabanına ziyarət ilə əlaqədar Bakının bir sıra küçələrində nəqliyyatın hərəkəti məhdudlaşdırılıb. Bu gün səhər saat 8-dən Parlament prospekti və Mehdi Hüseyn küçəsində nəqliyyatın hərəkəti tam məhdudlaşdırılıb.
