İcra başçısı ilə birgə saxlanılanlardan biri 5 il əvvəl də HƏBS edilmişdi

Biləsuvarın icra başçısı saxlanıldı - YouTube

Dövlət Təhlükəsizlik Xidmətinin (DTX) xüsusi təyinatlı dəstələri Biləsuvar rayonunun İcra Hakimiyyətinin binasında xüsusi əməliyyat keçirib.

 "AzerTaym.az" mediatv.az-a istinadən xəbər verir ki, əməliyyat karantin rejimi ilə əlaqədar əhaliyə yönəlmiş dövlət dəstəyinin, yardımların mənimsənilməsi ilə bağlı keçirilib. Bununla bağlı çoxsaylı, əsaslı şikayətlər olub.

Əməliyyat zamanı icra başçısı Mahir Quliyevlə yanaşı, birinci müavin Xanlar Məmmədov, rayonun bələdiyyə sədri İlqar Abbasov, mərkəzi xəstəxananın baş həkimi Xoşbəxt Ağayeva, Kommunal Müəssisələri Kombinatının direktoru Xalidə Ağayeva, məşğulluq şöbəsinin rəisi Mübariz Mustafayev, şəhər icra nümayəndəsi Qabil Xammədov saxlanılıb.

Mediatv.az-a özəl mənbədən sızan xəbərdə bildirilir ki, saxlanılan mərkəzi xəstəxananın baş həkimi Xoşbəxt Ağayeva 5 il əvvəl də həbs olunmuşdu.Belə ki 5 il əvvəl, Xöşbəxt Ağayeva xalq arasında daha çox "VTEK" kimi tanınan 30 saylı TSEK-nın sədri işləyirdi.2015 ci il aprelin 7-də Baş Prokuror yanında Korrupsiyaya Qarşı Mübarizə Baş İdarəsinin əməkdaşları, Cəlilabad rayonunda növbəti komissiya baxışı keçirilərkən Xoşbəxt Ağayevanı həbs etmişdi.O zaman axtarış zamanı TSEK sədri Xoşbəxt Ağayevanın üzərindən rüşvət kimi alınmış 6 min manat nağd pul götürülmüşdi.






Fikirlər