Mili mənsubiyyətinin tez-tez müzakirə mövzusu olduğu Türkiyə prezidenti Rəcəb Tayyib Ərdoğan bu iddialara cavab verib.

Ölkə.az xəbər verir ki, toplantılardan birində çıxışı zamanı milliyəti haqda gəzən söz-söhbətlərə aydınlıq gətirib.

"Bir gün atamdan soruşdum ki, ata, biz türkük, yoxsa laz? Atam mənə dedi ki, mən də bir gün bu sualı öz babama verdim. Babam mənə dedi ki, bəziləri bizə laz, bəziləri isə türk deyir. Səndən soruşan olsa cavab verərsən ki, mən müsəlmanam. Çünki axirətdə Allah bizdən milli mənsubiyyətimizi deyil, mənsub olduğumuz dini, peyğəmbərimizi, Quranı soruşacaq", deyə Ərdoğan çıxışında bildirib.

 AzerTaym.az