Ermənistan vətəndaşları liderlərin Praqada keçirilən dördtərəfli görüşündən narazı qalıb.

 Sosial şəbəkənin erməni seqmentində bəzi aktiv istifadəçilər baş nazir Nikol Paşinyanın görüşdən fotosunu paylaşaraq, onun hərb meydanında olduğu kimi, diplomatiyda da məğlub olduğunu deyiblər.

 Sosial şəbəkə hesablarında yazılan əksər şərhlərdə vurğulanıb ki, yenidən Paşinyan ermənilərin qürurunu sındırıb.

 "Baş nazir Nikol Paşinyan Milli Assambleyada “Mülki razılaşma” fraksiyasının deputatlarının suallarını cavablandırarkən növbəti dəfə yalan danışaraq demişdi ki, heç bir razılıq olmayacaq. Amma o yenidən Qarabağı Azərbaycanın bir hissəsi kimi tanıdı. Bu, sadəcə bizim üçün utancvericidir. O, hakimiyyətə gələndə bizə başqa vədlər vermişdi. Paşinyan növbəti dəfə Ermənistanın qürurlu və ləyaqətli vətəndaşlarını manipulyasiya edərək aldadıb", - deyə Ermənistan mediası narazı vətəndaşlara istinadən yazıb.

 Qeyd edək ki, ötən gün Praqada Azərbaycan və Ermənistan liderlərinin görüşü olub. Görüşdən sonra qəbul edilən bəyanata əsasən, Ermənistan rəsmən Azərbaycanın ərazi bütövlüyünü tanıyıb. /Modern.az