Ümumdünya Səhiyyə Təşkilatının rəhbəri Adhanom Gebreyesus gələcəkdə yeni bir pandemiyanın ortaya çıxacağı ilə bağlı xəbərdarlıq edib.

AzerTaym.az musavat.com-a istinadən xəbər verir ki, o, bu barədə müvafiq videonu "X" sosial şəbəkəsindəki hesabında yayımlayıb.

ÜST rəhbəri dövlətləri buna cavab vermək üçün hazırlaşmağa çağırıb.

"Növbəti pandemiya onun olub-olmaması deyil, onun nə vaxt olması məsələsidir. Keçmişin səhvlərini təkrarlaya bilmərik. Buna görə də ÜST-ə üzv dövlətlər pandemiyaya qlobal reaksiya üçün hüquqi bazanı gücləndirmək üçün yeni pandemiya sazişi və beynəlxalq Səhiyyə Qaydalarına düzəlişlər haqqında danışıqlar aparır. Gələcək nəsillər naminə biz dünyamızı həssas vəziyyətə salan köhnə çaxnaşma və etinasızlıq dövrünə qayıtmamalıyıq", - deyə o paylaşımında qeyd edib.