"Azərbaycanda 100 000 Rusiya agenti var".

AzerTaym.az bildirir ki, bunu LAF TV-yə müsahibəsində politoloq Nəsimi Məmmədli bildirib.

Onun sözlərinə görə, bu rəqəmin mövcudluğuna əmindir.

Nəsimi Məmmədli qeyd edib: "Çar Rusiyası, sovet dövrü və sonrakı illərdəki proseslər bunu iddia etməyə əsas verir. Bu saya Rusiyanı dəstəkləyən, onun agentura şəbəkəsində yer alan və s. şəxslər daxildir. İranla münasibətlər gərginləşdikdə hökumət Tehrana ideoloji cəhətdən bağlı şəxslərə qarşı sərt addımlar atdığı kimi, indi də Rusiyanı dəstəkləyən qüvvələr əleyhinə mövqe ortaya qoyulacaq.

Əslində, Azərbaycan cəmiyyəti heç vaxt Rusiyanı sevməyib. Bütün bəlalarımızın kökü Rusiyadır. Ona görə də indi Rusiya ilə bağlı artıq diplomatik gedişlər kənara qoyulacaq, əvvəllər riskli sayılacaq addımlar atılacaq".