Yollarda sürət həddi endirildi - Yağışa GÖRƏ
Yağışlı hava ilə əlaqədar paytaxtın iki əsas avtomagistralı - Heydər Əliyev prospekti Buzovna dairəsinədək və Zığ dairəsi Hava limanı yolunda bütün zolaqlar üzrə sürət həddi 20 km/ saat endirilib. 
Bakı Nəqliyyat Agentliyinin mətbuat xidmətindən verilən məlumata görə, sürət həddinin endirilməsində məqsəd yollarda hərəkətin təhlükəsizliyini təmin etməkdir.
Qurum həmçinin bildirir ki, Rəşid Behbudov küçəsi istisna olmaqla hazırda paytaxtın digər küçə və prospektində nəqliyyat vasitələrinin normal hərəkəti müşahidə edilir.
Bütün sürücülərdən yollardakı sürət həddinə əməl etmələri xahiş edilir.
AzerTaym.az
