QƏRBİ KASPİ Universitetində “Oriyentasiya Günü”

Qərbi Kaspi Universitetində birinci kurs tələbələrinin universitet həyatı ilə tanışlığı məqsədi ilə “Oriyentasiya Günü” keçirilib. 

Tədbirin rəsmi hissəsində universitetin rektoru, professor Andris Leitas bu ali təhsil ocağının keçdiyi tarixi yola nəzər salıb, Qərbi Kaspi Universitetinin Avropa standartları səviyyəsində, keyfiyyətli və şəffaf təhsilinin bu ali təhsil ocağının bugünkü yüksək nüfuzunu müəyyən etdiyini qeyd edib.

Rektor son illərdə tədrisin keyfiyyətinin artırılması istiqamətində həyata keçirilən layihələr, proqram və infrastruktur yenilənməsi barədə məlumat verib, tələbələri təbrik edərək, onlara təhsillərində uğurlar arzulayıb.

Bildirilib ki, cari tədris ilində istifadəyə verilən yeni tədris binası ən yüksək standartlara uyğun olaraq qurulub, bina ən müasir auditoriya, laboratoriya və mərkəzlərlə, avadanlıqlarla təchiz olunub. Burada təhsilin keyfiyyətli təşkili üçün bütün imkanlar var.

Daha sonra çıxış edən Qərbi Kaspi Universitetinin “Fəxri Professoru”, dünya elmində ən yüksək sayılan “Aleksander fon Humboldt” mükafatının ilk azərbaycanlı laureate Məsud Əfəndiyev, Milli Məclisin deputatı, Qərbi Kaspi Universitetinin müəllimi Aydın Mirzəzadə, professor, universitetin Dizayn Məktəbinin müəllimi Elçin Əliyev və ingilis dili və ədəbiyyatı kafedrasının müdiri, filologiya üzrə fəlsəfə doktoru Maurus Roller və universitetin 2015-ci il məzunu, Mədəniyyət Nazirliyinin əməkdaşı Nərmin İsmayılova çıxış edərək tələbələri təbrik edib, onlara həyatlarının yeni mərhələsində uğurlar arzulayıb, Qərbi Kaspi Universitetində yaradılmış keyfiyyətli təhsil mühitindən və imkanlarından lazımınca istifadə etməyi tövsiyə ediblər.

Rəsmi hissədən sonra tələbələrin universitet binası, təhsil alacaqları Məktəb (fakültə) ilə tanışlığı və kiçik tanıtım dərsləri təşkil edilib.






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi