DTX-ın növbəti UĞURLU ƏMƏLİYYAT - HƏBS olunan casuc KİMdir?!

İlham İsmayıl: “Zada" sözünə görə düşünmək olar ki, amma..."

Xəbər verildiyi kimi, Azərbaycan hərbiçilərinin sirrini yayan xarici ölkə vətəndaşı Hasanzada Bahram Nusrat oğlu tutulub. Agent Dövlət Təhlükəsizliyi Xidməti (DTX) və Azərbaycan Dövlət Sərhəd Xidməti tərəfindən həyata keçirilmiş birgə əməliyyat tədbirləri nəticəsində dövlət sərhədini qanunsuz keçərək ölkə ərazisinə daxil olarkən saxlanılıb.

B.Hasanzadanın xarici xüsusi xidmət orqanı əməkdaşlarının tapşırığı əsasında Azərbaycanın dövlət təhlükəsizliyi zərərinə olaraq casusluq, dövlət sirrinin ələ keçirilməsi, Azərbaycan vətəndaşlarının casusluğa cəlb edilməsi istiqamətində cinayət əməllərinə dair əldə edilən məlumatlar yoxlanılaraq təsdiqini tapıb. Həmçinin müəyyən edilib ki, B.Hasanzada xarici xüsusi xidmət orqanı əməkdaşlarının tapşırığı əsasında Azərbaycan silahlı qüvvələrində xidmət edən hərbi qulluqçular, ölkə ərazisində yerləşən hərbi-strateji obyektlər, hərbi texnika və silah-sursat, xarici ölkələrlə hərbi sahədə əlaqələr, eləcə də Azərbaycanın dövlət təhlükəsizliyi və müdafiə qabiliyyəti ilə bağlı sair kəşfiyyat məlumatlarını toplayıb, bu məqsədlə uzunmüddətli münasibət qurduğu Azərbaycan Respublikası vətəndaşlarının maddi maraq müqabilində xarici xüsusi xidmət orqanı əməkdaşlarının əlaqəsinə cəlb edilməsini təşkil edib.

Hasanzada Bahram Nusrat oğlu ile ilgili görsel sonucu

Qeyd edək ki, ifşa edilən agentin hansı ölkə vətəndaşı olması ilə bağlı məlumat verilmir. Eləcə də onun dövlət sərhədimizin hansı ölkə ilə sərhədində saxlanıldığı haqda bilgi yoxdur.

Təhlükəsizlik ekspertləri casusun hansı ölkənin vətəndaşı olmasının açıqlanmamasını normal sayırlar. Arqument kimi də, dövlətlərarası əlaqələr önə çəkilir. Eyni zamanda, son üç ildə DTX-nın  bu istiqamətdə gördüyü işlər müsbət qiymətləndirilir. Agentlərin ifşası istiqamətdə aparılan əməliyyatların davamlı olacağı vurğulanır.

 Hasanzada Bahram Nusrat oğlu ile ilgili görsel sonucu

Sabiq MTN polkovniki İlham İsmayıl “Yeni Müsavat”a bildirdi ki, casusların ifşası heç zaman təxirə salınmır:Bu məsələ daim gündəmdədir. Dövlət Təhlükəsizliyi Xidmətinin bir nömrəli vəzifələrindən biri də agentlərin zərərsizləşdirilməsidir. Çox vaxt casus diplomatik status altında olursa, iki ölkə arasındakı münasibətləri pozmamaq üçün həmin agenti ya ölkədən çıxarırlar, ya da əks tərəfdə bir maraq varsa dəyişirlər. Həbs edilən bu şəxs barəsində heç bir məlumat yoxdur. Sadəcə mənə elə gəlir ki, Azərbaycanda anadan olub. Bu onun görkəmindən və fars soyadı olsa da, ad-soyadından görünür. Hiss olunur ki, vaxtı ilə Azərbaycanda yaşayıb və sonradan başqa  ölkəyə keçib. Çox qəribədir ki, həmin ölkənin adını yazmırlar”.

MTN polkovniki agentin Rusiya və İrandan ola biləcəyini də vurğuladı: “Burada ən populyar versiya Rusiyadır. Bilirsiniz ki, Azərbaycandan Rusiyada yaşayanlar kifayət qədər çoxdur. Orada vətəndaşlıq almaq çox asanlaşdırılıb. SSRİ dövründə anadan olanları birbaşa vətəndaşlığa qəbul edirlər. İlk olaraq adamın ağlına  İran da gəlir. ”Zada" sözünə görə düşünmək olar. Amma birmənalı şəkildə deyə bilmərik ki, casus İrandandır. Hər halda Rusiya və İranın birindəndir. İki dövlətin də bizə münasibətləri bəllidir. Xarici ölkə vətəndaşlarının bu fəaliyyəti casusluqdur. Amma bizim ölkənin vətəndaşlarının belə fəaliyyəti birbaşa vətənə xəyanətdir. Xarici ölkə vətəndaşı narkotiklə saxlanılırsa, öz maraqlarını həyata keçirir. Amma informasiya ötürürsə, demək ölkəsinin maraqlarını həyata keçirir. Sərhədi qanunsuz keçib gəlib burada alver etmir. Belə şəxslər kriminal aləmlə də iş görmürlər. Dövlət burada həm casusu, həm də onun aid olduğu ölkəni ifşa etməli, bunun düzgün olmadığını müxtəlif yollarla çatdırmalıdır. Əgər biz qonşu dövlətləriksə, dostluq əlaqələrimiz varsa, belə əməllər qəbuledilməzdir. Hətta yeri gələndə nota da vermək olar".

İ.İsmayıl “MTN inqilabı”ndan keçən son üç ildə agentlərin ifşası istiqamətində DXT-ın gördüyü işləri də dəyərləndirdi: “11 il 3 ay ərzində, yəni Eldar Mahmudovun zamanında MTN sanki narkotiklərlə mübarizə idarəsi idi. MTN-dən ancaq bu yöndə xəbərlər çıxırdı. Miqyası geniş olmayan 1-2 terror cəhdinın qarşısının alınması ilə bağlı işləri olub. Başqa gördükləri ”işlərin" hamısı göz qabağındadır. Artıq hər kəsə məlumdur ki, onlar hansı işlərlə məşğul olublar. Amma Dövlət Təhlükəsizliyi Xidmətinin ifşalarla bağlı bu növbəti bir əməliyyatıdır. Hər casusun ifşasının açıqlanmamasını da bilməyiniz vacibdir. Yenə deyirəm ki, əks tərəfdəki dövlətlə əlaqələri korlamamaq üçün ya casusu ölkəsinə göndərirlər, ya da maraqlar çərçivəsində müxtəlif addımlar atırlar. Dövlət Təhlükəsizliyi Xidmətinin bu işlərlə apardığı fəaliyyətlə uğur qazandığı göz önündədir. Biz böyük dövlət deyilik ki, casusu ifşa edən kimi aid olduğu ölkənin adını açıqlayaq. Biz çalışırıq ki, ölkələrlə münasibətlərimizi pozmayaq. Amma cəmiyyət və dövlətlər bilməlidir ki, casusların açıqlanması yeri gələndə həmin dövlətləri nüfuzdan salacaq. Şəxsən mən bunun açıqlamasının tərəfdarıyam. Diplomatik pərdə altında fəaliyyət göstərənlərin ölkədən çıxarılması ilə bağlı qərar qəbul oluna bilər. Amma sərhədi pozan, casusluqla məşğul olan birisinin hansı dövlətdən olmasından asılı olmayaraq, hətta dost dövlət olsa belə ifşa olunmalıdır". (musavat.com)

 






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi