10.02.2014. - Mingəçevirdə park çökdü, 5 nəfər Kürə düşdü (Foto)
Yola saldığımız ötən gün Mingəçevirdə Kür sahilindəki parkda
insanları şoka salan hadisə baş verib.
Saat 17 radələrində parkın daş döşəməsi müəyyən bir hissədə özülündən çöküb.
Hadisə vaxtı həmin yerdə dayanmış 2 qadın və 3 azyaşlı uşaq Kürə düşüb.
Bu barədə məlumatı saytımızın imail ünvanına foto ilə birlikdə şəhər sakini,
hüquq müdafiəçisi Fidayil Ələsgərli verib.
Onun bildirdiyinə görə çökmə nəticəsində suya düşən qadınlardan biri Mingəçevir Şəhər Xəstəxanasına çatdırılaraq ilkin tibbi yardımdan sonra evə buraxılıb.
Xəsarət alan digər şəhər sakinlərinin taleyi barədə isə hələlik heç nə deyilmir.
