Futbol üzrə İspaniya çempionatının 24-cü turunda "Betis" öz meydanında Madrid "Real"ını qəbul edib.

AzerTaym.az xəbər verir ki, Sevilya şəhərinin "Benito Vilyamarin" stadionunda keçirilən görüş qonaqların 5:3 hesablı qələbəsi ilə başa çatıb.

Oyunda "Betis"in qollarını Ayssa Mandi, Serxio Leon və "Real"ın müdafiəçisi Naço (avtoqol) vurub. Qonaq komandanın heyətində isə Marko Asensio dubl edib, Serxio Ramos, Kriştianu Ronaldu və Kərim Benzema isə hərəyə bir dəfə fərqlənib.

Asensionun vurduğu ikinci qol madridlilər üçün 6000-ci yubiley qolu olub. "Kral klubu " İspaniya çempionatında bu nəticəni göstərən ilk komanda olub.

"Real" (45 xal) Primeronun turnir cədvəlində 4-cü pillədə qərarlaşıb, "Betis" (33) 9-cudur.