2013-cü ilin ən yaxşıları seçildi

2013-cü ilin ən yaxşıları seçildi2013-cü ilin yekunlarına əsasən İdman Araşdırmalar Mərkəzinin idman jurnalistləri arasında keçirdiyi sorğunun qaliblərinin mükafatlandırılma mərasimi keçirilib. İlin qalibləri layihəsi çərçivəsində baş tutan tədbirə idman ictimaiyyətinin aparıcı nümayəndələri və kütləvi informasiya mərkəzlərinin əməkdaşları qatılıb. İlin qalibləri məhz jurnalistlərin seçiminə əsasən müəyyən edilib. Cüdo üzrə dünya çempionu Elxan Məmmədov ilin idmançısı nominasiyasının qalibi olub.

Azərbaycan yığma komandasının və “Bakı” klubunun qolkiperi Kamran Ağayev ilin futbolçusu nominasiyasının qalibi olub. Qarabağ futbol klubunun birdən-birə iki üzvü ilin mükafatını qazanıb. Yarımmüdafiəçi Reynaldo Da Silva ilin legioneri, klubun baş məşqçisi Qurban Qurbanov isə ilin baş məşqçisi nominasiyasının qalibi olub.

İlin komandası nominasiyasında birincilik Azərbaycanın şahmat üzrə kişilərdən ibarət yığma komandasına verilib. İlin idman xadimi nominasiyasının mükafatı isə “Bakı” futbol klubunun prezidenti Hafiz Məmmədova təqdim olunub.






Fikirlər