İBRAHİMOVİÇ "Los Angeles Galaxy" ilə yeni MÜQAVİLƏ İMZALAYIB

ABŞ-ın "Los Angeles Galaxy" futbol klubunun isveçli hücumçusu Zlatan İbrahimoviç komanda ilə yeni müqavilə imzalayıb.

“Report” xəbər verir ki, bu barədə klubun mətbuat xidməti məlumat yayıb.

Bildirilir ki, 37 yaşlı futbolçu 2019-cu ildə də Amerika klubunda çıxış edəcək.

"Zlatan ilə yeni bir müqavilə bağlamaqdan şadıq. O, keçən mövsüm klub üçün nə qədər əhəmiyyətli olduğunu göstərdi və biz onun gələn mövsüm də komandada çıxışını səbrsizliklə gözləyirik. Mövsümlərarası dövrdə Zlatanla komanda oyununu daha da yaxşılaşdırmağı davam etdirəcəyik", - deyə "Los Angeles Galaxy" klubunun baş direktoru Dennis Te Klose bildirib.

İbrahimoviç "Los Angeles Galaxy"yə 2018-ci ilin martında "Mançester Yunayted"dən keçib. Ötən mövsüm komandada 27 oyun keçirən futbolçu 22 qol vurub və 7 məhsuldar ötürmə verib.

Daha əvvəl futbolçunun İtaliyanın "Milan" klubuna keçəcəyi bildirilsə də, bu transfer baş tutmayıb.






Fikirlər

Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi